Nagpaandam ang isa ka doktor sa publiko nga mangin responsable sa paggamit sang tubig ilabi na kon ini ang ilimnon ukon ginagamit panghugas.
Sa interview sang Bombo Radyo kay Dr. Lance Randolph Silario, Physician, iya ginpahayag nga mahimo magsuprer sang balatian nga cholera, dysentery, hepatitis A, kag typhoid kon masami nagakonsumo sang mahigko nga tubig-ilimnon.
Suno kay Silario, isa sa mga labing importante agud nga mapabilin nga limpyo ang tubig-ilimnon amo ang pagpabilin man nga malimpyo ang kagamitan, kaangay na lamang sang water container ukon tumbler.
Nagpanugyan man ang natungdan nga sa simple nga paghugas sang kamot, mahimo na nga makalikaw sa pag-angkon sang mga waterborne diseases.
Common naman sa Pilipinas ang masami nga kaso sang diarrhea bangud sa mahigko nga source sang tubig ilabi na kon magbaha nga dala sang malain nga panahon.
