Gindayaw sang Department of Transportation ang implementasyon (DOTr) sang Iloilo sang Public Utility Vehicle Modernization Program (PUVMP).
Sa interview sang Bombo Radyo kay DOTr Secretary Jaime Bautista, iya ginpahayag nga apisar sang mga pagpanghangkat nga ila naatubang, nangin matalunsay sa gihapon ang implementasyon sang PUVM paagi man sa mga kooperatiba kag kompanya.
Suno Bautista, tuyo lamang sang modernisasyon ang makahatag sang komportable nga transport system para sa mga commuters.
Nagpasalamat man ang natungdan sa mga Ilonggo nga nagsuporta sa consolidation kon sa diin, masobra 90-porsyento ang nakapa-consolidate.
Ginaduso man sang talatapan ang Route rationalization program kasunod sang PUVMP agud nga ma-identify ang insakto nga ruta kag ma-distribute sa transport cooperatives.
Magakoordinar naman DOTr sa Land Transportation Franchising and Regulatory Board (LTFRB) agud nga matapos naman ang Local Public Transport Route Plan (LPTRP) sa pungsod.
