Ginhatagan na sang clearance ang seven-foot-three nga si Kai Sotto nga makaupod sa paghampang sa Gilas Pilipinas batok sa New Zealand kag sa Hong Kong sa FIBA Asia Cup Qualifiers.
Buot silingon sini, makaguwa ang twin tower combo ni Coach Tim Cone upod man si June Mar Fajardo.
Antes sini, napaidalom ang big man sa concussion protocols sang Japan B League matapos naigu sa ulo sa matchup sang Koshigaya Alphas batok sa Yokohama sang nagligad nga semana.
Daku nga bulig ang presensya ni Kai sa Gilas bangud ang New Zealand ang magahampang nga may seven-footer kag may 6-foot-10 players.
Nagasalig man si Coach Tim sa chemistry nanday Sotto kag Fajardo kag makahimo makapahuway ang isa kag buslan anay sang isa agud maka-augment sa iban nila nga mas manubo nga players.
Ini ang kulang suno sa coach sang na-injure man si Kai sa semifinal match sang Gilas batok sa Brazil sa Olympic Qualifying Tournament.
“So it’s a really good rotation. We have the two of them that can play together. And then when June Mar rests, Kai can swing to the five. And when June Mar comes back, Kai can swing back to the four. And so we have a constant.
“And that was what was missing when we played (and lost to) Brazil in the semifinals of the OQT (Olympic Qualifying Tournament in Latvia) when Kai got injured. We didn’t have that ability to do that. It was a tough road for June Mar. Kai’s presence makes it a lot easier (now),” dugang ni Cone.
Sa pihak nga bahin, indi pa gihapon subong sigurado ang kondisyon sang 6-foot-10 nga si AJ Edu bangud wala pa sini natapos ang strength training kag treatment sa tuo nga tuhod nga nakaangkon sang injury sa hampang man sa Japan.
May break ang Gilas karon sa hapon, kag may duha pa ka practice antes ang Huwebes kun sa diin atubangon sini ang New Zealand (2-0) samtang sa Domingo naman ang Hong Kong (0-2) sa kapareho nga venue sa Mall of Asia Arena.
