Duha ka mga tawo ang na-report nga missing samtang 1.8-million naman ka mga indibidwal sa bilog nga pungsod ang apektado sang tatlo ka ulihi nga bagyo nga nagsulod sa Pilipinas.
Base ini sa latest data nga ginpaguwa sang National Disaster Risk Reduction and Management Council (NDRRMC).
Ginpahayag nga 1.82-million ukon masobra 473,000 ka mga pamilya ang naapektuhan nanday Typhoon Nika (international name: Toraji), Typhoon Ofel (international name: Usagi), kag subong Typhoon Pepito (international name: Man-yi).
Sa sini nga numero, masobra sa 441,000 ang nagatinir sa evacuation centers.
May 183 areas sa Region 1 (Ilocos), Region 2 (Cagayan Valley), Region 3 (Central Luzon), kag Region 5 (Bicol) ang nakarecord sang pagbaha.
MAtandaan nga nagguwa si Nika sa Philippine Area of Responsibility sang Nobyembre 12 samtang nagguwa naman si OFEL sang Nobyembre 17.
Subong na nga adlaw natalana nga magguwa sa Pilipinas si Bagyo Pepito nga amo ang 16th tropical cyclone sang Pilipinas sini nga 2024 kag pang-apat subong lamang nga Nobyembre.
