Nagpanindugan si John Castro Jr. nga amo ang akusado sa pagpatay kay Kagawad Joevani Triste sang San Rafael, Tigbauan, Iloilo nga wala sang kahilabtanan si AAMBIS-OWWA Party-list Representative Atty. Lex Colada sa insidente.
Una na nga ginbuyagyag ni Iloilo Police Provincial Office (IPPO) Director Police Colonel Bayani Razalan nga nakarehistro sa pangalan ni Congressman Atty. Lex Colada ang pusil nga gin-gamit ni Castro sa pagpatay kay Triste.
Sa interview sang Bombo Radyo kay John Castro, iya ginpahayag nga ang pusil sang mamalidha ang yara sa sulod sang cabinet, kon sa diin, ginhulam sini paagi sa paglisensya sa kabulig sa balay ni Colada.
Suno kay Castro, ang duha nga armas-luthang nga iya gid personal nga ginapanag-iyahan ang lunsay rehistrado apang, ginkumpiskar ini sang mga kapulisan bangud man sa insidente.
Gin-athag man sang natungdan nga ang armas nga gingamit niya sa pagtiro kay Triste ang wala mahibaluan ni Colada nga ginhulam sini.
Ginpahayag man ni Castro nga ibalik niya kuntani ang pusil kay Colada, apang wala man niya ginlauman nga may matabo nga insidente sa tunga nila ni Tristre.
