Arestado ang 18-anyos nga lalaki matapos nga nakuhaan sang armas-luthang sa Barangay Población, Badiangan, Iloilo.
Ang naaresto amo si Alyas “Inchik”, 18-anyos, residente sang nasambit nga banwa.
Sa interview sang Bombo Radyo kay Police Major Bonifacio Alabe Jr., Chief of Police sang Badiangan Municipal Police Station, iya ginpahayag nga sang nagpatuman sang pagpatrolya ang ila talatapan, didto kag nakuha sa suspek ang armas-luthang samtang ini nagakaon sa isa ka fast food store.
Suno kay Alabe, natik-an sang otoridad nga nagalabaw ang pusil sang lalaki samtang ini ang iya ginasukbit, rason nga gilayon ini nga ginrespondehan.
Ginpahayag man sang hepe nga ginpangitaan ang lalaki sang dokumento kag papeles, apang wala ini sang may napakita.
Nakuha kay alyas “Inchik” ang isa ka point 45 nga caliber pistol, magazine, kag apat ka mga bala.
Nagdepensa naman ang lalaki nga ang pusil ang para lamang sa iya nga pang-depensa sa iya kaugalingon.
Nahibaluan nga may impluwensya sang makahulubog nga ilimnon ang 18-anyos nga lalaki sang ini ang nakuhaan sang pusil.
