Ginsertipikahan ni President Ferdinand Marcos Jr. nga urgent ang pagpasar sang House Bill No.10800 ukon ang 2025 General Appropriation Act (GAA) sa Senado.
Sa isa ka sulat nga gin-address kay Senate President Francis Escudero nga napetsahan Oktubre 29, ginsertipikahan ni Marcos ang kinahanglanon sang pag-enact sang General Appropriation Act, nga nagahatag sang proposisyon sang P6.352 trillion national budget para sa 2025.
Ini agod masiguro ang wala untat ang operasyon sang mga hilikuton sang gobyerno, masiguro ang pag-alokar sang mga fiscal resources para sa importante nga mga inisyatibo, kag mapahanugutan ang gobyerno nga makasabat sang mga pagpanghangkat.
Ang mensahe ginhatag man kay House Speaker Martin Romualdez.
Nahiabaluan nga ang ginaduso nga 2024 national budget ang mas mataas sang 9.5% ipaanggid sa P5.268 trillion subong nga tuig.
Ang hagna nga nagaunod sang national budget, ang dapat aprobahan kag pirmahan sang Presidente antes matapos ang tagsa ka fiscal year agud malikawan ang reenacted nga budget para sa masunod nga tuig.
Gin-aprubahan sang Kamara ang ginaduso nga P6.352-trillon nga budget para sa 2025 sa third and final reading sang Setyembre 25.
