Nakaluwas ang duha ka mga kabataan nga na-trap sa nagluntad nga sunog sa Barangay San Pedro, Molo, Iloilo City.
Ang mga na-trap nga kabataan ang mag-utod kag naga-edad 4-ka-tuig, kag 9-ka-tuig.
Sa interview sang Bombo Radyo kay Fire Superintendent Melanie Habawel, Iloilo City Fire Marshal, ginpakadtoan ang lugar kon sa diin na-trap ang kabataan, kag didto nakumpirma sang mga imbestigador sang Bureau of Fire Protection (BFP) nga nakaluwas ang duha ka bata.
Santo naman sa pahayag sang lola sang mga kabataan nga si Consolacion Salangre, gindala sang iloy ang duha ka mga kabataan sa Calumpang, Molo matapos nga nakaluwas.
Ginaimbestigaran naman sang otoridad ang insidente agud nga matumod ang rason sang gintunaan sang sunog.
Gindeklara naman sang BFP nga Fire out ang insidente sang alas-2:16 sang hapon.
