Naghatag sang tourist guide kits ang Department of Tourism (DOT) sa 43 ka mga tourism frontliners sa probinsiya sang Antique.
Sa interview sang Bombo Radyo kay DOT Secretary Christina Garcia Frasco, iya ginpahayag nga ang mga tourism frontliners ang isa sa mga rason sa pagsanyog sang turismo kun sa diin nangin ‘globally competitive’ ang pungsod.
Suno kay Frasco, ang tourist guide kits ang ginalakipan sang, sunblock, sunglasses, fedora hat, lapel microphone, journal, ballpen, kag tumbler—practical nga mga kagamitan agud masuportahan ang mga tourism frontliners samtang ini sila ang naga-atubang kag naga-entertain sa mga turista nga magabisita sa dunang manggad sang probinsiya.
Dugang pa, ang mga tourism frontliners ang nakabaton sang personal nga accident insurance coverage nga naga-balor sang P50,000.
