Gin-athag sang eksperto sa layi nga wala sang paglapas nga nahimo si Vice President Sara Duterte sa pagtiner sini sa Kamara kaupod ang iya nga utod nga si Representative Paolo Duterte.
Ini agud nga mabantayan man sini ang iya chief-of-staff nga si Zuleika Lopez matapos nga na-detain sa Kamara.
Sa interview sang Bombo Radyo kay Atty. Joenar Pueblo, Bombo Abogado, iya ginpahayag nga ang pag-overnight sang bise president sa Kamara ang wala sang salabton bangud nakalisensya man ini sa house panel.
Suno kay Pueblo, didto man kag nakakita sang kahigayunan si VP Duterte agud nga magpabutyag sang iya nga hinanakit batok kay President Ferdinand Marcos, Jr., First Lady Liza Araneta Marcos, kag House Speaker Martin Romualdez.
Ginpahayag man sang natungdan nga indi madula ang mga posibilidad nga ginaipit lamang ang bise presidente sang administrasyon bangud man sa pahayag ni Duterte nga isa siya sa ‘winnable’ nga mangin masunod nga presidente sang Pilipinas.
Nagapati naman ang abogado nga ang pag-ipit sa bise presidente sa nagakalatabo ang makaapekto sa physical kag mental well being ni VP Sara Duterte.
