Natalana nga hatagan sang gobyerno sang Spain sang residency kag work permits ang kapin 300,000 migrants nga iligal nga nagaistar sa amo nga pungsod kada tuig sa masunod nga tatlo ka tuig kag magaumpisa ini sa 2025.
Suno kay Bombo Ma. Edzel Lamparero Lopez, ang polisa nagatuyo nga ma- expand ang nagaedad nga workforce sang Espanya.
Ang Espanya ang nagapabilin nga bukas sa pagbaton sang migrants bisan pa nga ang iban nga European nations ang nagaistrikto sa ila borders batok sa illegal crossings kag asylum seekers.
Ginpahayag ni Lopez nga ang ini nga tikang sang Spain ang indi lamang pagpakita sang pagrespeto sa human rights kundi ang paghatag sa ila sang oportunidad nga magsanyog.
Una na ginsiling ni Spanish Prime Minister Pedro Sánchez nga ang migration policies sang gobyerno ang nagatuyo nga masolusyunan ang naganubo nga birthrate sang pungsod.
Sang 2023, ang Spain nag- issue sang 1.3 million visas sa mga foreigners.
