Nagpanawagan ang Department of the Interior and Local Government (DILG) Iloilo City sa mga kabarangayan sa syudad nga pasangkaron ang Barangay Anti-Drug Abuse Council (BADAC).
Sa interview sang Bombo Radyo kay Mr. Oscar Lim, Head sang Department of the Interior and Local Government – Iloilo City, iya ginpahayag nga may nakit-an ang talatapan nga mga barangay nga indi na tuman ka epektibo ang pagpatuman sang Barangay Anti-Drug Abuse Council.
Suno kay Lim, ang panawagan ang kasunod man sa nangin feedback sang Iloilo City Police Office (ICPO) kag sang Iloilo City Peace and Order Council.
Maga-upod naman ang talatapan kag ang kapulisan agud nga mapatuman ang mas masangkad nga intervention batok sa iligal nga druga.
Nagapati man ang natungdan nga “most shabulized” ang Iloilo City kon indi magbulig ang tagsa ka barangay sa ginapatuman nga tikang.
