Nagapati ang kagawad sang Brgy. Calumpang, Molo, Iloilo City nga may koneksyon sanday Ryan Kent ‘RK’ Magbanua kag John Chris Mark Gapol.
Si RK Magabanua amo ang isa sa ginatudlo nga suspek sa pagpatay kay Gapol, samtang si Gapol naman ang biktima nga gintiro-patay sa Brgy. Taal, Molo, Iloilo City.
Sa interview sang Bombo Radyo kay Kagawad Lordene Lim, sang Barangay Calumpang, Molo, Iloilo City, iya ginpahayag nga tanan nga mga problema kag issue nga ginaatubang sang amo nga barangay ang iya gina-cater.
Suno kay Lim, indi man mahimo nga ma-involve si RK sa kamatayon ni Gapol kon wala sila sang koneksyon sa isa kag isa.
Gin-athag man sang natungdan nga indi sini mahambal kon madalom ang ila pagkilalahay nga duha ukon mag-abyan sila antes paman ang insidente.
Ginpahayag man ni Lim nga sa ila barangay, wala sang record sang kinagamo ang ginapahayag suspek nga si RK.
