Priso sa Passi City Police Station ang 17 ka mga indibidwal, matapos nga ilegal nga nagtipon sa guwa sang Passi City Hall kag gin-angkon ang duta nga ginatindugan sang amo nga city hall.
Ang 17 ka mga indibidwal ang naga-claim nga grupo sila sang mga Indigenous People (IP) sa nasambit nga lugar.
Sa interview sang Bombo Radyo kay Police Lieutenant Colonel Atty. Benjo Clarite, hepe sang Passi City Police Station, iya ginpahayag nga nagtipon ang mga indibidwal sa gwa sang city hall kag nagpatindog sang tarpaulin nga may nakasaad nga ginabanta masobra 50 ektaryas sang lupa nga ginatindugan sang nasambit nga establisyemento ang ginapanag-iyahan ni certain Baltazar Panisales Sr.
Suno kay Clarite, sa ila pag search sa service vehicle, narecover ang pila ka mga calibre sang pusil kag bala: 1 ka ginapatihan 12 gauge shotgun kag mga bala, 2 ka 9 mm pistol, kag bala sang 45 calibre pistol.
Dugang pa sang natungdan, posible nga magapangatubang sang mga kaso nga illegal possession of fire arms, illegal assembly, direct assault, kag usurpation of real property ang mga indibidwal.
Magaserbe naman nga complainant si Passi City Mayor Atty. Stephen Palmares.
