Nasapwan ang 16 ka mga bangkay kasunod sang flash floods sa Indonesia partikular sa nabukid nga bahin sang Sumatra Island.
Suno sa Indonesian officials, may anum pa subong ka mga tawo nga nagapabilin nga missing.
Nag-awas ang tubig sa mga suba sang weekend bangud sang sige-sige nga pag-ulan kag nagkalatumba man ang mga kahoy sa mga distrito nga sakop sang North Sumatra province.
May nagkalaguba man nga mga balay kag daku ang nangin halit sa kaumhan.
Nag-augment naman ang mga pulis, mga soldado, kag rescue workers agud nga makapangkutkot sa mga lugar kun sa diin natiphag ang duta agud makit-an pananglitan may mga lawas pa sang mga tawo nga nagkalalubong.#
