Nagpangayo sang extension ang Iloilo City Architect Office sa pumuluyo sa posibilidad nga madugayan matapos ang pila ka ginatukod mercado sa syudad.
Sa interview sang Bombo Radyo kay Architect Regie Gregorio, sang City Architect Office, iya ginpahayag nga kalabanan sa phase 1 sang mga public market ang natapos na apang may phase 2 pa nga ginatapos.
Suno kay Gregorio, mas nauna natapos human ang Arevalo Public Market bangud ini ang mas magamay kon ikumpara sa Jaro Public Market kag La Paz Public Market.
Ginpahayag man sini nga mahimo matapos ang phase 1 sang nabilin nga mga mercado sa first quarter sang 2025 bangud man sa mga delay sa pag-transfer sa market vendors.
Nagpasalig man ang natungdan nga sa phase 2 sang paghuman sang proyekto, finishing touches na lang ang himuon kasunod man sa mandu ni Iloilo City Mayor Jerry Treñas.
