Magasunod ang Iloilo Provincial Government sa mando ni President Ferdinand Marcos, Jr. nga likawan ang garboso nga selebrasyon sang Christmas Party.
Sa interview sang Bombo Radyo kay Governor Arthur “Toto” Defensor, Jr., iya ginpahayag nga ang mga Christmas decorations nga makit-an sa Iloilo Provincial Capitol ang parte lamang sang tourism program sang probinsya.
Suno kay Defensor, idugang na lang sa ayuda nga mahimo ihatag sang local nga gobyerno sa mga naapektohan sang bagyo ang mahimo mangin budget sa Christmas Party.
Ginpahayag man sini nga P8 million ang igapanagtag sa mga Local Government Unit (LGU) sa probinsya nga tuman naapektohan sang bagyo.
Nagpasalig man ang gobernador nga gina-finalize na ang pagproseso sa mga dokumento agud nga mahatag na ang ayuda sa mga apektado nga pumuluyo.
