Nagapabilin nga nakatutok sa paghimo sang mga pagsulundan ang economic team sang gobyerno sang Pilipinas agud makahimo sang madamo nga trabaho kag makadala sang madamo nga investors sa pungsod sa tunga sang nagapadayon nga pagbinaisay sa tunga sang duha ka pinakamataas nga opisyal sang pungsod.
Suno kay Budget Secretary Amenah Pangandaman, ang economic cluster padayon nga naga-draft sang implementing rules and regulations (IRR) sang Corporate Recovery and Tax Incentives for Enterprises to Maximize Opportunities for Reinvigorating the Economy (CREATE MORE) Act.
Si Pangadanman nagpahayag nga ang economic cluster magahiwat sang mas madamo nga mga roadshow sa luwas sang pungsod sa 2025, partikular sa Estados Unidos, sa diin ang pagbag-o sang liderato natalana sa Enero.
Ginpahayag sang ulihi ni Duterte nga indi pamahog ang iya ginhambal kag iya lamang gin-highlight ang ginaalegar pamahog sa iya seguridad.
Sang Lunes, nagpangako si Marcos nga punggan ang mga pamahog sang criminal nga nagasiling nga kon ang pagpatay sa isa ka nagapungko nga presidente amo sina ka simple, ano pagid kon daw ano ka hapos para sa ordinaryo nga pumuluyo.
