Ginpanindugan sang economic team ni Presidente Ferdinand Marcos Jr. nga “business as usual” gihapon para sa gobyerno sa tunga sang nagainit nga sitwasyon sa pulitika.
Sa isa ka joint statement, gintumod sang economic managers ang kapag-on sang ekonomiya sa tunga sang domestic kag international challenges nga pagpanghangkat.
Apang, indi naman maathag kun ang joint statement ang nagapatuhoy sa nagasingki nga tension sa tunga nanday Vice President Sara Duterte kag sang Marcos government.
Ang economic managers ginabug-usan sang Special Assistant to the President for Investment and Economic Affairs, Finance Secretary, Budget Secretary, kag National Economic and Development Secretary.
Suno sa mga managers, ang tanan nga sangay sang gobyerno ang nagatutok sa pagtungod sa ila responsibilidad sa isa ka whole-of-government approach padulong sa Agenda for Prosperity.
