Ginkumpirma ni Armed Forces of the Philippines Chief of Staff Gen. Romeo Brawner Jr., nga ginpangayo ni Philippine National Police Chief Gen. Rommel Francisco Marbil ang pangalan sang mga myembro sang Vice Presidential Security and Protection Group (VPSPG) nga nagbulig agud pwersahan nga isaylo si Vice Presidential Chief of Staff nga si Atty. Zuleika Lopez sa St. Luke’s Medical Center gamit ang isa ka private ambulance.
Ini matapos nakit-an si VPSPG head Col. Raymund Dante Lachica nga nagtiklod kag nagpanakit sa PNP doctor-in-charge nga possible madagdag sa kaso nga direct assault.
Gin-athag naman ni Brawner nga nakabaton sila sang subpoena halin sa PNP nga imbestigaran ang mga miyembro sang VPSPG kag temporaryo nga ilisan sang mga miyembro sang PNP kag AFP.
Nahibaluan nga ginahitso naman sang PNP ang mga kaso nga ipasaka nila batok kay Vice President Sara Duterte kag sa mga tinawo sini.
Lakip sa mga atubangon nga kaso sang bise presidente amo ang paglapas sa Article 151 sang Revised Penal Code for Resistance and Disobedience to a Person in Authority magluwas pa diri ang criminal administrative offenses.
