Liwat nga nagpahanumdom ang Department of Education (DEPED) Region 6 sa mga eskwelahan sa Western Visayas nga ‘indi required’ ang mga estudyante nga maghatag sang financial contribution para sa Christmas Party.
Sa interview sang Bombo Radyo kay Mr. Hernani Escullar Jr., Spokesperson sang Department of Education Region 6, iya ginpahayag nga nga kinahanglan simple lamang ang pagselebrar sang Christmas Party sa tagsa ka buluthuan sa rehiyon kag indi tuman ka garboso.
Suno kay Escullar, wala ginapa-require ang mga faculty kag estudyante nga mag-amot ukon maghatag sang financial contribution lakip na diri ang mga costumes kag mga pagkaon.
Gin-athag man sini nga ‘voluntary’ lamang sa mga manunudlo kag kabataan kon magahatag sang ila blessings agud makaselebrar sang amo nga kahiwatan.
Nahibaluan nga ang pagsulundan ang nakasanto sa regional memorandum no. 1174 nga ginpaguwa man sang DEPED Region 6.
