Ginakabig sang Iloilo City Sports Development nga madinalag-on ang pagrepresentar sang mga kabataan sa syudad sa Batang Pinoy 2024 nga ginpatigayon sa Puerto Princesa City, Palawan.
Sa interview sang Bombo Radyo kay Rudiver Jungco Sr., Executive Assistant sang Iloilo City Sports Development, iya ginpahayag nga 160 Ilonggo athletes ang ginpadala sa Palawan agud irepresentar ang syudad sa patag sang sports.
Suno kay Jungco, ginakasubo niya nga halos ang katunga sang delegates ang wala nakapartisipar sa pila ka mga hampang.
Apang sa pihak sini, ginakalipay sa gihapon sang natungdan ang nangin resulta sang kompetisyon kon sa diin, wala nahulog ang Iloilo City sa Top 15.
Ginaplano naman nga tutokan sang talatapan ang pagpasangkad sang sports sa Iloilo City agud nga matinghuwaan nga mabalik ang syudad sa masunod nga tuig sa Top 10 sa overall ranking.
