May ginasundan na nga person of interest ang otoridad sa pagluthang-patay sa lalaki sa Barangay Lopez Jaena Norte, La Paz, Iloilo City.
Ang biktima amo si Antonio “Biboy” Baybayanon, 29-anyos, may live-in partner, residente sang nasambit nga lugar.
Sa interview sang Bombo Radyo kay Police Major Tranquilino Querubin Jr., hepe sang Iloilo City Police Staion 2, iya ginpahayag nga ‘continues’ ang pag-imbestigar sang talatapan agud gilayon nga madakpan ang suspek sa krimen.
Suno kay Querubin, maid-id nga gina-usisa ang eye witness sa insidente agud nga masigurado nga ang suspek nga ginasundan sang otoridad ang amo mismo ang subject.
Gin-athag man sini nga indi riding in tandem ang nagluthang sa biktima kag wala man sang ginsakyan ang suspek nga motorsiklo sa pagpalagyo.
Ini ang baliskad man sa una nga ginpahayag sang utod sang biktima nga ang suspek ang nakasuksok sang jacket kag naka-facemask nga duag itom samtang ini ang sakay sa motorsiklo.
