Yara na sa 90% ang completion sang legislative building sang Iloilo City Hall.
Sa interview sang Bombo Radyo kay City Architect Regina Gregorio, iya ginpahayag nga ginalauman nga matapos ang proyekto sa first quarter sang 2025.
Suno kay Gregorio, ang imprastruktura ang may bag-o ukon moderno nga disensyo sa bahin sang session hall, cafeteria, kag auditorium.
Pahamtangan man ang opisina sang Sangguniang Panlungsod.
Ginpahayag man sang natungdan nga lakip man ibutang sa building amo ang Office of the Building Official (OBO).
Nahibaluan nga ang legislative building ang may walo ka panalgan kag tatlo ka mga elevators.
