Mas hugot nga security measures ang ipatuman sang University of the Philippines Visayas sa duha sini ka campus sa Iloilo kasunod sang pagpamahog nga dala sang bomb threat.
Sa interview sang Bombo Radyo kay Ms. Gerthrode Charlotte Tan-Mabilog, Director sang UPV Information and Publications Office, iya ginpahayag nga kasunod sang threat, nag-focus gid ang Explosive Ordnance Disposal (EOD) sa Miagao Campus sang UPV bangud ini ang may mas malapad nga sakop kag madali nga masekyar.
Suno kay Tan-Mabilog, gin-clear ang tanan nga dormitories bangud may dako ini nga population sang mga estudyante.
Gin-athag man sang natungdan nga alas-4:00 na sang hapon sang nagpaguwa ang talatapan sang opisyal nga statement nga nagaathag nga clear sa bomba ang nasambit nga campus.
Nahibaluan nga pasado ‘las-6:00 sa aga sang ila nabaton ang mensahe nga nagasaad sang “may bomba nga malupok sa office niyo”.
