Maga-upod ang replica sang imahe ni Nuestra Señora de la Candelaria sa 43rd Intramuros Grand Marian Procession subong nga hapon, Disyembre 1.
Ini na ang ikatatlo nga sunod-sunod nga tuig nga yara ang Patroness of Western Visayas ukon mas kilala nga si “Nanay Cande” sa amo sini kadaku nga Marian event.
Si Nuestra Señora de la Candelaria amo ang naga-isahanon nga Marian Image sa Pilipinas nga ginkoronahan sang isa ka pope kag isa na ka santo nga si Saint John Paul II.
Nahibaluan nga ang Intramuros Grand Marian Procession ang isa sa pinakabalantayan nga Marian events sa pungsod bangud ginatipon sini ang crowned Madonna Images sa Pilipinas sa isa ka eng-grande nga religious procession bilang selebrasyon sang Feast of the Immaculate Conception.
Ginapatigayon ini sa kada una nga Domingo sang Disyembre sa Plaza de Roma sa facade sang Manila Cathedral sa Intramuros, Manila.
Gina-organisar ini sang Cofradia de la Immaculada Concepcion kag sang Intramuros Administration.
(December 3, 2023 image of Archdiocese of Jaro, Commission on Social Communications)
