Napasaka na ang kaso nga murder batok sa suspek pagtiro-patay sa isa ka construction worker sa isa ka beauty salon sa Gonzaga Street, Brgy. Purok 4, Pavia, Iloilo.
Ang biktima amo si Joven Galvez Job, 35-anyos, ka live-in partner ni alyas “Joy” kag residente sang Brgy. Sapal, San Lorenzo Guimaras.
Ang suspek naman amo si Arnold Mamon Viejo, 41-anyos kag residente sa Brgy. Cabugao Norte Pavia, Iloilo.
Sa interview sang Bombo Radyo kay Police Major Harold Redora, Chief of Police sang Pavia Muncipal Police Station, iya ginpahayag nga ang gingamit nga armas sang suspek ang ‘essential’ sa imbestigasyon.
Suno kay Rendora, madugay na nga nagapakita sang pagkadisgusto ang suspek batok sa biktima kon sa diin, nagpabutyag ini sang kasakit sang buot nga nagatuhoy sa pagpakita sini ang iya ikasarang agud mangin isa ka padre-de-pamilya, apang nahimo sa gihapon sang iya asawa nga magpangita sang iban.
Gin-athag man sang natungdan nga indi mahambal nga nagbulagay ang suspek kag ni alyas “Joy” bangud yara lamang sa ‘dating relationship’ ang asawa kag ang biktima.
Nahibaluan nga selos ang napanguna nga motibo ang ginalantaw sang otoridad kon ngaa nahimo sang suspek ang krimen.
Nahibaluan nga 14 ka tuig nag-updanay ang suspetsado kag si Joy kun sa diin mayara ini sang tatlo ka mga kabataan edad, 14, 12, kag 10 ka tuig.
Samtang, tatlo naman ka bulan naman ini sila naga-updanay sang biktima.
