Wala nagpaulihi ang pila sa mga Filipino sa pagdala sang ‘Pinoy vibes’ nga pagselebrar sang Christmas sa Qatar.
Sa interview sang Bombo Radyo kay Joseph Rivera, Bombo International Correspondent in Qatar, iya ginpahayag nga isa ka normal working day ang adlaw mismo sang paskwa sa Qatar, apang ang pinasahi sa paghiwat sang Christmas sa ila, amo ang pag-display sang mga ‘slim’ nga Santa Claus figure.
Ginlaragway man sini nga ang pagselebrar sang paskwa sa amo nga pungsod ang daw kaangay lamang sa Pilipinas nga masami madamo sang dekorasyon.
Ang kinalain lamang suno sa natungdan, amo ang wala sang mga belen kag wala man sang makit-an nga tinaga nga “Christmas” luwas sa sulod sang Catholic Church.
Indi naman pwede makahiwat sang Christmas Party ang pumuluyo sa sagwa sang balay ukon outdoor bangud man sa matugnaw nga panahon.
