Madugang ang Iloilo City Traffic Management Unit (ICTMU) sang ila mga personnel subong nga holiday season para sa mga Christmas Activites.
Sa interview sang Bombo Radyo kay Retired Police Colonel Uldarico Garbanzos, Head sang Iloilo City Traffic Management Unit, iya ginpahayag nga ginalauman sang ila talatapan nga magadugang ang trapiko sa subong nga paskwa.
Suno kay Garbanzos, tuyo man sang tikang nga mabuhinan ang pagpugok sang mga salakyan sa downtown area sang Iloilo City.
Gin-athag man sini nga 20% nga deployment ang idugang sa pwersa sang traffic personnel agud mapabilin nga tayuyon ang dalagan sang trapiko.
Nagpanugyan man ini sa mga motorista nga pangitaon ang designated parking areas agud nga indi mabiktima sang mga ‘basag kotse’.
