Nagpangayo sang suporta ang Iloilo City Traffic Management Unit (ICTMU) sa contactor sang Ungka Flyover kag Department of Public Works and Highways (DPWH) Region 6 agud mapabutangan sang signage nga nagadumili sa mga modernized bus nga mag-agi sa flyover.
Sa interview sang Bombo Radyo kay Ret. PCol. Uldarico Garbanzos, head sang Iloilo City Traffic Management Unit, iya ginpahayag nga kapila na nila sulit-suliton kag ginpaathag sa mga kooperatiba nga mga light vehicles lang ang pwede makaagi sa babaw.
Suno kay Garbanzoz, antes ipatuman ang traffic realignment sa bahin sang flyover agud i-rectify ini, mayara sa gihapon ang nagalapas sa amo nga pagsulundad apisar klaro ang vertical clearance kag may nakabutang nga light vehicles lang.
Gin-athag man sini nga agud nga mas mangin maahag kag wala na gid sang magabayolar kag sa seguridad man sang mga motorista, pabutangan nalang gid ini sang signage.
Dugang pa niya nga na-settle na ang insidenmte sa tunga sang kooperatiba kag sa bahin sang salakyan nga nadagdagan sang vertical clearance signage.
