Kun sa Pilipinas, naandan na ang pagpalupok sang lebentador kag paghiwat sang fireworks display kun nagasug-alaw sang bag-ong tuig.
Tuman ka pinasahi naman kun paano sug-alawon sang mga tawo didto sa Georgia ang nagahilapit nga bag-ong tuig.
May palukpon man sila, apang indi ini trianggulo kag indi man kamara.
Agud indi ka na magpalibog, ihambal ko nalang ah.
Building ang ila palukpon.
Huo, building.
Didto ini sa Macon-Bibb County.
Sang nagligad nga tuig, ginbakal sang lokal nga gobyerno ang hotel sa balor nga $4.5 million sa isa ka federal bankruptcy proceeding.
Sang damlag lang, ginkasugtan nila nga mag-hire sang demolition firm agud palukpon ang building sa balor nga $2.6 million.
Suno kay Macon Mayor Lester Miller,1970 pa sang gintukod ang building apang kaangay nga wala gid nangin madinalag-on ang operasyon sini.
Dugang niya, nangin eyesore naman ini sa bilog nga komunidad rason nga gub-on nalang nila ini.
Sa subong, ginaplano na sang mayo ang demolisyon kag istoryahon man ang mga malapit nga property owners agud maprotektahan man ang mga ini sa tion nga palukpon na ang building agud sug-alawon ang bag-ong tuig.
