Nagtimbuok pa ang utang sang national government sa P16-trillion nga marka bangud sa pagnubo sang balor sang piso kontra sa US dollar.
Ini base sa report sang Bureau of the Treasury.
Ang total outstanding nga utang sang gobyerno ang yara sa P16.02 trillion sa katapusan sang October 2024, nga 0.8 percent ukon P126.95 billion nga mas mataas sa katapusan sang September 2024 nga lebel.
Suno sa Treasury, ang pagtimbuok sang utang ang bangud sa impact sang peso depreciation batok sa dolyar halin sa 56.017 sang September tubtob sa 58.198 sang pagtakop sang October 2024.
Sa total debt stock, 67.98 percent ang domestic securities, samtang ang 32.02 percent ang external obligations.
Sa pagtakop sang October, ang domestic debt naglab-ot sa P10.89 trillion nga 0.4 percent ukon P46.42 billion nga mas manubo sa katapusan sang September 2024 nga lebel.
Dugang sang Treasury,ang increase ang resulta sang foreign loan availments nga yara sa P20.47 billion, kag foreign exchange movements, nga nagdugang sang P152.90 billion sa external nga utang.
