Gin-aprubahan na sang Senado sa third kag final reading ang hagna nga nagahatag sang Philippine citizenship sa Russian figure skater nga si Aleksandr Sergeyevich Korovin.
Ang Senate Bill 2461 gin-aprubahan sang 21 affirmative votes, zero negative votes, kag zero abstention.
Ang bill nga naga- naturalize kay Korovin bilang Filipino ang ginaduso sa tunga sang preparasyon sang Pilipinas para sa 2026 Winter Olympics sa Italian cities sang Milan kag Cortina d’Ampezzo.
Ang Russian national ang nangin partner sang Filipina figure skater nga si Isabella Gamez, nga nag-qualify sa Winter Olympics sa pairs category upod si Korovin.
Sanday Korovin kag Gamez ang naga- compete na sa pila ka international figure skating competitions humalin sang 2021 kag ila ginadala ang Philippine flag matapos nga ginhingyo sang Philippine Skating Union nga buy-an ang Russian national gikan sa Russian Skating Federation.
Suno kay Senate Justice and Human Rights Committee chairperson Francis Tolentino, subong na ang husto nga tion nga makadaug sang medalya ang Pilipinas sa Winter Olympics paagi kanday Gamez kag Korovin.
