Arestado ang maglive-in partner sa ginpatigayon nga drug buybust operation sa Calumpang, Molo, Iloilo City.
Ang mga nadakpan amo sanday Eral Cepeda(HVI), 27 anyos kag Lyn Oreta,42 anyos, lunsay residente sang San Juan, Molo.
Sa interview sang Bombo Radyo kay Police Captain Ryan Christ Inot, team leader sang City Drug Enforcement Unit, iya ginpahayag nga duha ka bulan nga ginpanilagan ang duha antes natigayon ang operasyon.
Suno kay Inot, ang source sang mga arestado amo si certain Islo nga preso subong sa New Bilibid Prison kag ginapadala ang druga paagi sa parcel.
Pahayag pa ni Inot, ang estilo sang duha amo nga ginapakadto gid nila ang ila customer sa ila balay kag wala sila naga-transact sa gwa.
Narekober sa ila ang 16 sachets nga nagabug-at sang 75 grams sang suspected shabu nga nagabalor sang P510,000.
Kaso nga paglapas sa Republic Act 9165 ukon Comprehensive Dangerous Drugs Act of 2002 ang atubangon sang mga arestado nga nakahunong subong sa Molo Police Station.
