Gin-aprubahan na sang Board of Investments (BOI) sang Department of Trade and Industry (DTI) ang P1.58 trillion nga balor sang investment commitments halin sa Enero tubtub sa Nobyembre 2024.
Suno sa ahensya, ang balor sang investment approvals sa 11-month period ang nagdala sang investment promotion agency nga malapit sa paglab-ot sa target sini nga P1.6 trillion sa bilog nga 2024.
Ginpahayag sang ahensya nga ang pagtubo sa investment approvals ang naghalin sa energy sector ilabi na sa renewable energy projects nga may kabug-usan nga P1.35 trillion investment commitments.
Gin-angot naman ni Trade Secretary kag BOI chairman Cristina Roque ang 11-month investment commitments performance sa solid macroeconomic policies sang Marcos administration, dedikasyon sang stakeholders, kag ang paninguha sang board sa idalom sang “Bagong Pilipinas” campaign.
Ang iban pa nga top-performing sectors amo ang masunod:
air and water transport – P121.20 billion
real estate activities (mass housing) – P34.67 billion
manufacturing – P30.40 billion
water supply, sewerage, waste management, and remediation activities – P16.28 billion
agriculture, forestry, and fishing – P10.47 billion
wholesale and retail – P8.25 billion
information technology and business process management – P7.26 billion
Ang CALABARZON region amo ang gin-report nga leading recipient nga may P623.19 billion sa investments, ginasundan sang Central Luzon nga may P277.08 billion, kag Western Visayas nga may P245.95 billion.
