Patay ang chief executive officer (CEO) sang UnitedHealthcare matapos ginluthang sa guwa sang isa ka hotel sa Manhattan, New York, USA.
Ang biktima amo si Bryan Thompson, 50, tumandok sang state sang Minnesota.
Suno sa imbestigasyon sang mga pulis, pakadto kuntani si Thompson sa investor conference sang UnitedHealth Group sang ginpalapitan siya sang gunman kag gintiro sang makapila ka beses.
Suno sa otoridad, madugay na nga nagatindog ang suspek sa lugar kag nagaguwa nga ginhulat gid sini si Thompson nga makaguwa kag amo gid ini ang iya target.
Sunod nga ginkumpirma nga patay na ang biktima sang gindala sa Mount Sinai West.
Suno sa iya asawa nga si Paulette Thompson, antes ang insidente, pila ka beses na ini nga nakabaton sang death threats.
Nahibaluan nga sang 2021 sang nagpungko si Thompson bilang CEO sang UnitedHealthcare nga kabahin sang UnitedHealth Group nga amo ang largest insurance company sa Amerika.
Ginlaragway sang otoridad nga “premeditated, preplanned, kag targeted attack” ang natabo sa CEO.
