Posible nga mangatubang sang kaso ang ex-girlfriend ni Anthony Jennings nga si Jamela Villanueva kasunod sang pagpaguwa sini sang mga “resibo” sa ginaalegar pagluib sang aktor sa ila relasyon kaupod ang on-screen partner sini nga si Maris Racal.
Martes sang gab-i sang gin-post ni Jam paagi sa iya Instagram stories ang screenshots sang private messages sa tunga nanday Anthony kag Maris sang tion nga magkarelasyon pa sanday Anthony kag Jam.
Suno naman sa celebrity lawyer nga si Atty. Joji Villanueva Alonso, pananglitan “legit” gid man ang screenshots, nagapabilin ang kamatuoran nga wala sang krimen nga nahimo sanday Maris kag Anthony. Bisan “morally wrong” ang ila ginhimo kag ginaulan subong sang pagpakamalaot, indi sila kasado sa ila partners suno sa abogado gani wala sila sang nalapas sa layi.
Sa pihak nga bahin, posible nga duha ka krimen ang nahimo ni Jam bangud sa iya ginhimo — ang cyber libel kag violation of data privacy.
Indi man marason suno sa abogado nga naga-“move on” ini bangud bisan nasakitan ini kag gintunto, indi ini rason para nga lapason sini ang layi.
Yari ang kabug-usan nga post sang abogado:
“Assuming that all the screenshots are legit, the fact remains that Maris and Anthony have committed NO crime. Their actions may be regarded as morally wrong, but they were never married to their respective partners.”
“Jamela, on the other hand, may have committed at least 2 crimes with her actions – cyber libel and violation of data privacy. She cannot hide her actions under the guise of “moving on.” Yes, she may have experienced pain and betrayal, but this does NOT give her the license to violate the law.”
“Nemo jus sibi dicere potest.”
Base sa advisory opinion nga gin-release anay sang National Privacy Commission (NPC) kaangot sa Data Privacy Act of 2012: “The disclosure of a private conversation involving personal data without the consent of the parties involved, or without some other lawful basis for the processing of personal data under the DPA, may be construed as unauthorized processing.”
Isa tubtub sa tatlo ka tuig nga pagka-preso kag multa nga P500,000 tubtub sa P1-million ang penalidad sa mga matumod nga nagalapas sa sini nga layi.
Sa pihak nga bahin, matapos naman naglupok ang isyu kanday Maris kag Anthony, nag-anunsyo ang isa ka cosmetics brand nga Dazzle Me nga ginatapos na sini ang ila partnership sa actress.
“After thoughtful consideration, we have made the difficult decision to end our partnership with Maris Racal. Working with her has been an amazing journey—her energy, humor, and authenticity resonated deeply with our vision of a bold and inspiring Gen Z icon,” kabahin sang statement. “However, we determined that moving in a different direction is necessary to remain consistent with the principles that guide our brand.
