Gindiga sang Metro Roxas Water District ang ila ‘best practices’ sa nubo nga non-revenue water (NRW).
Sa interview sang Bombo Radyo kay Donnalee Deondo, Division Manager sang Metro Roxas Water District, iya ginpahayag nga gin-intensify sang ila talatapan ang pagpatuman sang orientation sa ila empleyado.
Suno kay Deondo, ginakabig gid nila nga isa ka legasiya ang paghatag sang maayo nga kalidad sang tubig para sa mga pumuluyo.
Gin-athag man sini nga kon may makit-an sila nga mga leak sa ila tubo, gilayon nga ila ginasekyar ang mga linya agud mahatagan sang solusyon.
Ginhimo man ang talatapan ang pag-procure sang advance technology nga maka-detect sang mga leakages.
Ginpadayaw man sang Metro Roxas Water District nga may mga personnel sila nga nagaguwa adlaw-adlaw agud nga maglibot kag mag-monitor sang mga leakages sa ila tubo.
