Kasunod sang rollout sang Rice-for-All nga programa nga nagatanyag sang bugas sa mas manubo nga presyo nga P40 kada kilo, plano sang Department of Agriculture (DA) nga magbaligya sang mas barato nga sahi sang bugas sa ila Kadiwa ng Pangulo stalls sa Enero 2025.
Gin-anunsyo ni DA Assistant Secretary Genevieve Guevarra nga magabaligya ang departamento sang isa ka sahi sang brown rice, nga una nga tawgon nga “Nutri Rice,” sa balor nga P38 kada kilo.
Magluwas sini, magatanyag ang DA sang rice variety nga ginatawag “Sulit Rice” sa balor nga P36 kada kilo. Suno kay Guevarra, ang Sulit Rice ang mangin “super broken” nga variety.
Gin-athag ni Guevarra nga ang “Nutri Rice” kag “Sulit Rice” ang mangin tanyag sang DA sa Bag-ong Tuig, nga nagatuyo sa paghatag sang mas barato kag alternatibo para sa publiko.
