𝗜𝗟𝗢𝗜𝗟𝗢 – All set na ang Iloilo State University of Fisheries Science and Technology (ISUFST) sa pag-host sang Western Visayas (WV) Regional State Colleges and Universities Athletic Association (RSCUAA) Sports Festival and Conference 2024 sa Barotac Nuevo, Iloilo.
Tema sang aktibidad amo ang “One Western Visayas: Promoting Peace, Inclusivity, and Well-Being through Sports!”
Patigayunon ini sa Disyembre 15 tubtob 20 sa nagkalain-lain nga mga venues sa Iloilo.
Sa interview sang Bombo Radyo kay Dr. Herman Lagon, Public Relations Chairperson sang RSCUAA 2024 kag professor sa ISUFST, iya ginpahayag nga linibo ka mga atleta kag coaches ang magapasakop sa kahiwatan halin sa 13 ka mga state universities sa bug-os nga Western Visayas.
Suno kay Lagon, sa pinakauna nga kahigayunan, ang ISUFST ang maga-host sang RSCUAA.
Ini man ang pinakaulihi nga tion nga maga-upod ang mga unibersidad sa Negros Occidental sa RSCUAA
bangud magaseparar na ang Negros Island Region sa masunod nga RSCUAA.
Katuyuan naman sang aktibidad nga ma-promote ang sportsmanship, unity, kag talento.
