Ginahikotar na sang Passi City Police Station ang kaso nga adultery batok isa ka Punong Barangay kag isa ka babaye nga pamilyado nga nagahimo sang sexual activity sa sulod sang isa ka Lodging House sa Barangay Imbang Grande, Passi City.
Ang Punong Barangay kag ang babaye, 30 anyos ang lunsay residente sang Calinog, Iloilo.
Sa interview sang Bombo Radyo kay Police Lt. Col. Atty. Benjo Clarite, hepe sang Passi City Police Station, iya ginpahayag nga ginahulat na lang ang ‘go signal’ sang Prosecutors Office agud nga opisyal na nga mapasaka ang kaso.
Suno kay Clarite, mahimo sa gihapon nga makapyansa ang duha ka mga indibidwal bangud sa bail, apang subong, indi pa matumod kon pila ang balor sini.
Nakadependi naman sa Prosecutors Office ang balor sang bail nga ila idagdag batok sa duha ka arestado.
Nagapati man si Clarite nga baskog ang ebidensya batok sa duha ilabi na nga nasaksihan gid sang bana ukon ‘caught in the act’ ang sexual activity.
Nahibaluan nga tuig 2022 sang ginkasal ang mag-asawa kag may isa ka anak.
Nagsugod naman ang duda ang bana nga may karelasyon ang iya asawa sang makita sa cellphone sini nga may nagapadala sang indi amo nga mensahe.
