Isa ka 52-anyos nga manugbaligya sang balut ang makahalanusbo nga nadulaan sang kabuhi matapos mabungguan sang madasig nga salakyan sa Koronadal City sang Sabado sang aga, Disyembre 7, 2024.
Ang biktima amo si Jenny Pabillona Asarcon, residente sang Purok Nursery, Barangay Sta. Cruz, Koronadal City, ginatulod ang iya bisikleta sa higad sang dalan sang nabungguan sang madasig nga nagadalagan nga puti nga salakyan nga wala sang headlight.
Nagaguwa sa imbestigasyon sang kapulisan nga halin sa roundball area padulong sa Banga ang salakyan sang nagluntad ang aksidente sa Alunan Avenue malapit sa Barangay Zone IV.
Gindala pa sa ospital si Asarcon apang gindeklarar nga dead on arrival sang mga nag-atender nga medical personnel.
Boluntaryo naman nga nagsungka sa mga otoridad ang 23 anyos nga driver sang salakyan nga residente sang Banga, South Cotabato wala madugay matapos ang insidente.
