Liwat nga nagpanindugan si John Castro Jr. nga amo ang akusado sa pagpatay kay Kagawad Jobanie Triste sang San Rafael, Tigbauan, Iloilo nga self-defense lamang ang iya gin-ubra rason nga nagsungka ini sa kapulisan.
Sa interview sang Bombo Radyo kay John Castro, iya ginpahayag nga personal siya nagsungka sa kapulisan bangud man sa kaso nga murder kag sang iya warrant of arrest.
Suno kay Castro, sa bulig sang iya suod nga abyan, nagpakig-angot siya sa Tigbauan Municipal Police Station agud nga magsungka na.
Gin-athag man sini nga antes ang insidente, manghugas lang siya kontani sa suba apang nakit-an sini ang tatlo ka mga kalalakihan lakip ang biktima nga nagabantay sa iya.
Ini ang baliskad man sa una nga nangin pahayag ni Castro nga matabok siya kontani sa suba agud nga magpangutang sang isda agud nga ila tiliponan sang iya pamilya bangud kaadlawan niya.
Gin-ako man sang natungdan nga indi niya luyag ang natabo nga insidente bangud pila na siya ka tuig nga nagalikaw sa ginapahayag pagpanghingabot sa iya sang anay punong barangay.
