Hugot nga ipatuman sang Office of the Civil Defense (OCD) Region 6 ang ‘force evacuation’ sa mga pumuluyo nga yara sa 4-kilometer radius sang Mt. Kanlaon.
Ini kasunod man sang paglupok sang Mt. Kanlaon sa Negros Island.
Sa interview sang Bombo Radyo kay Raul Fernandez, Director sang Office of the Civil Defense Region 6, iya ginpahayag nga padayon ang ila nga pagkumbinsi sa pila ka mga residente sang nasambit nga lugar nga mag-evacuate agud nga makalikaw sa posibilidad nga liwat nga paglupok sang Mt. Kanlaon.
Suno kay Fernandez, may yara sang 20 ka mga evacuation centers ang handa mag-akomodar sa mga residente nga mahimo mag-evacuate kasunod sa mga pamahog nga dala sang Bulkan Kanlaon.
Nagpadala man ang talatapan sang 60 boxes ka mga N95 face mask agud maprotektaran ang mga residente sa ash fall.
Nagpasalig man ang natungdan nga tatapon ang tanan nga naapektohan ilabi na ang mga may balatian nga posible ma-trigger bangud sa abo.
