Ginakabig sang Kabataan Partylist nga iligal ang nangin tikang sang Philippine National Police (PNP) nga pag-aresto kay Tomas Dominado.
Si Dominado ang wanted kag member sang New People’s Army (NPA) nga may standing warrants of arrest sa kaso nga murder with the firearm kag rebelyon.
Sa interview sang Bombo Radyo kay Thea Dayata, myembro sang Kabataan Partylist, iya ginpahayag nga indi legal ang pag-aresto kay Dominado bangud sa sitwasyon sini subong ilabi na ang nagalala sini nga balatian.
Suno kay Dayata, ang immediate nga ginapangayo sang himata ni Dominado amo ang husto nga pagbulong.
Ginpakamalaut man sang natungdan ang indi pagsabat sang mga kapulisan sa pamilya ni Dominado.
Gin-athag man sini nga isa ka injustice ang pagdala kay Dominado nga wala sang ihibalo ang pamilya sini kon sa diin ini dal-on.
Una na nagpanindugan ang Iloilo City Police Office (ICPO) nga wala sang kamatuoran ang mga alegasyon natuhoy sa pag-aresto kay Tomas Dominado nga wala ini nahatagan sang nagakaigo nga pagbulong.
