Pilason ang isa ka babaye matapos nga ginbuno sang isa ka senior citizen sa Barangay Quiazan Florete, Batad, Iloilo.
Ang biktima amo si Cerlita Abayon, 40-anyos, may bana.
Samtang ang suspek amo si Danilo de los Angeles, 67-anyos, may asawa, kag residente sang nasambit nga lugar.
Sa interview sang Bombo Radyo kay Police Corporal Victorino Bundac, imbestigador sang Batad Municipal Police Station, iya ginpahayag nga nagsugod ang insidente bangud ang biktima kag ang suspek ang wala nag-intindihanay.
Suno kay Bundac, samtang nagatindog ang biktima sa sagwa sang balay sini, nag-approach ang suspek sa iya, apang nagtaas ang tingog sini rason nga ginbuno ini sang suspek.
Santo naman sa imbestigasyon, nagaguwa nga nangaluyag ang suspek sa biktima ilabi na kon hubog.
Masami naman nga ginasambit sang suspek ang pangalan sang biktima kon ini ang may impluwensya sang makahulubog nga ilimnon apang wala ginasapak sang biktima.
Nag-agum naman sang pilas sa na-tuo nga bahin sang dughan kag butkon ang biktima kag gindala sa West Visayas State University Medical Center.
Temporaryo naman nga nakaguwa ang suspek bangud wala pa nakadesisyon ang pamilya sang biktima kon magapasaka sang kaso.
