Patay ang isa ka 17-anyos nga solterito matapos ginlabo sang iya bayaw sa Antipolo.
Base sa imbestigasyon, magkaupod ang biktima kag ang suspek nga nagpauli halin sa isa ka Christmas party kag hubog ang mga ini.
Ginpahayag nga nagsunluganay ang duha kag naghambal ang biktima nga labuon niya ang suspek.
Ginpatihan nga bangud gindumdom sang suspek nga himuon gid man ini sang biktima, gin-unahan na lang niya ini.
Nahibaluan nga nasapwan sang mga himata sang biktima ang utod sini nga kamot sa ila balay.
Bag-o madala sa ospital, nakapanugid pa ang anak sa iloy kun sin-o ang naglabo sa iya kag didto na ini nabugtuan sang ginhawa.
Nag-angkon ang biktima sang pilas sang pagkalabo sa ulo, dughan kag likod nga gintunaan sang iya kamatayon.
Boluntaryo naman nga ginpasungka sang iya pamilya ang suspek nga nagapangatubang sang murder complaint.
