Ginpamatud-an sang girl group nga BINI ang ila popularidad subong nga 2024.
Ini matapos nanguna ang grupo sa listahan sang Google sang most searched female personalities sa Pilipinas subong nga tuig.
Ang mismo myembro sini nga si Mikha Lim ang nalakip man sa listahan.
Pila sa mga kilala nga personalidad kag celebrities nga nadala sa listahan amo sanday Charlie Dizon, Claudine Barretto, Beyonce, Kamala Harris, kag Alice Guo.
Ang breakout hits sang BINI nga “Salamin, Salamin” kag “Pantropiko,” ang nalakip naman sa Google’s Top 10 list sang most searched songs kag lyrics nga yara sa ikapito kag ika-siyam nga pwesto.
Ang “Salamin, Salamin” amo ang most watched music video sa Pilipinas sa YouTube nga may 73 million base sa gin-anunsyo sang amo nga platform.
