Ginakalangkagan na sang publiko ang patigayunon nga Opening of Lights & Fireworks Display sa Iloilo Provincial Capitol karon sa gab-i.
Sa interview sang Bombo Radyo kay Iloilo Governor Arthur Defensor Jr., iya ginpahayag nga ang desinyo sang lights subong ang para sa tagsa ka pamilya nga Ilonggo ilabi na sa mga kabataan.
Suno kay Defensor, indi lamang ang lokal nga komunidad ang makakita sang desinyo bangud, ginabantayan man ini sa bug-os nga kalibutan.
Ginpahayag man sini nga magatambong sa kahiwatan si Department of Education (DEPED) Secretary Sonny Angara nga magaserbe nga guest of honor.
Nahibaluan nga naglab-ot sa P4,010,046 ang balor sang Christmas lights and decorations ang ginpahamtang sa Iloilo Provincial Capitol subong nga tuig.
