Nagpaathag ang Iloilo Festivals Foundation Incorporated (IFFI) sa publiko nga indi na mabaligya ang nabilin nga mga tickets para sa Iloilo Dinagyang Festival 2025.
Sa interview sang Bombo Radyo kay Joyce Clavecillas, Executive Director sang Iloilo Festivals Foundation Incorporated, iya ginpahayag nga ang tickets ang nakareserba na lang para sa mga very important person (VIP).
Suno kay Clavecillas, ang kabug-usan nga space sang Freedom Grandstand ang nakatalana na lang para sa mga mangin bisita sang city government sa amo nga kahiwatan.
Gin-athag man sini nga kapareho lang sa gihapon sang nagligad nga tuig ang balor sang tickets subong.
Nahibaluan nga kapin 1,000 seats ang sarang nga matatapan sang Mabini-Delgado, samtang 1,000 seats naman sa Quezon-Ledesma.
